СТО мора да спречи протекционизам, смета кинескиот министер за трговија

Лондон, 27 февруари (МИА) - Министерот за трговија на Кина Чен Деминг изјави денеска дека Светската трговска органзиација треба да биде тело што ќе обезбеди пакетите за стимулација на економиите на одделни држави да не резултираат со протекционизам во време на глобална економска криза.

За време на посетата на Велика Британија, Чен оцени дека нема доволно координација меѓу стимулативните пакети ширум светот и оти единствено меѓународно тело би морало да ја имаа таа улога за координација.

- Некои држави даваат се од себе да ги заштитат своите национални интереси, изјави Чен, напоменувајќи дека тие напори не се координирани.

- Сметам дека СТО можеби би можела да направи некој вид проценка на тие пакети и како резултат на тоа, да им препорача на тие земји какви чекори да преземат, додаде тој.

 Кинескиот министер за трговија најави инвестиции вредни две милијарди долари во Британија, вклучувајќи и 1,2 милијарди за купување авионски мотори од Ролс-Ројс.