Yahoo објави дека има намера на своите корисници да им овозможи неограничен простор во mail box-от.
Во овој момент околу 250 милиони Yahoo корисници се служат со 1 GB мејл простор. Но расте потреба за уште повеќе простор која е последица на се поинтензивното испраќање на музички и видео фајлови со голем капацитет. Поради ова Yahoo ќе им дозволи на своите корисници да користат неограничени количини на виртуелен простор на Yahoo мејл серверот.
Конкурентот на Yahoo, Microsoft нуди 2 GB мејл простор, додека другиот конкурент Google дури 2.8 GB. Дали и овие две компании после изјавата на Yahoo ќе ја сменат својата политика и ќе понудат исто така неограничен веб простор останува да видиме.
Според зборовите на Давид Фило од Yahoo, оваа опција ќе ги израдува корисниците бидејќи веќе нема да биде потребно да ги бришат старите мејлови. Со ова електронската пошта ќе може да се чува засекогаш.
{ИР}