Додека повеќето 17-годишни деца мислат на тоа како да ја завршат својата домашна, или пак, каде ќе излезат вечерта, некои тинејџери мислат како да заработат пари.
17 годишниот ирец Џон Колинсон и неговиот 19 годишен брат Патрик се едни од тие инзвонредни деца кои ја потврдија веста дека го продале нивниот креиран софтвер на канадска фирма Live Current Media за повеќе од 3 милиони долари.
Софтверот со име Auctomatic е решение базирано за веб и наменето за посериозните купувачи од eBay.
Својата фирма, браќата ја отвориле во 2007 година со финансиска помош од компанија во Силиконската долина, Y Combinator.
Патрик за тоа ќе изјави – “Моравме да ја преселиме компанијата во САД бидејќи во Ирска никој не сакаше да ни помогне, како финансиски, така и со стручна помош“
Постариот брат Патрик, преку продажбата си обезбедил и работно место во канадската компанија и тоа на функција – Директор на оддел за инженерство, додека помладиот брат, поради школските обврски ќе може да работи во компанијата само во лето.