Напорните убедувања од страна на Microsoft, како и одбивањето на новата викенд понуда од 47,5 милијарди долари од страна на Yahoo!, кулминираа во завршница каде познатиот производител на софтвер се откажа од купопродажбата на интернет пионерот.
Во писмото од Балмер (CEO на Microsoft) до Јанг (CEO на Yahoo!) пишува дека Microsoft се откажува и од намерата за превземање на компанијата на непријателски начин поради информациите дека Yahoo! ќе превземе чекори кои ќе направат аквизицијата да биде многу непожелна.
Со писмото завршува желбата за создавање на мега-големото спојување на фирмите во позната компанија на која новинарите и дадоа име Microhoo!.
Имено, Microsoft понуди цена од 28,4 долари по акција кога таа чинеше само 19,18 долари на берзата.
Минатата недела, берзанската цена се покачи на 28,67 долари. Тоа изгледа беше стимул за одбивањето на понудата и барање на нова цена од страна на одборот на директори на Yahoo! од 35 долари по акција која Microsoft нема желба да ја исплати.
Стејкхолдерите на интернет пионерот се разочарани, сметајќи дека компанијата не води грижа за нив.
Аналитичарите на ситуацијата сметаат дека Балмер сега ќе ги инвестира парите наменети за купување на Yahoo! во изнаоѓање на нови зделки со другите големи Интернет компании како AOL, MySpace, Facebook или LinkedIn.
(Б.Т)