Скоро две третини од мажите кажале дека ја објавуваат својата работа на интернет, додека само една половина од жените го прави истото. Кога Естер Харгитаи, професор на студиите по комуникација на Northwestern универзитетот и Џина Валејко, ја истражиле креативната работа на мажите и жените откриле дека нивните дела се застапени во скоро ист процент.

Харгитаи и Валејко открија дека мажите два пати повеќе објавувале музика кои сами ја создале или пак ремикси на песни, како и сопствени видеа и филмови, за разлика од жените кои се порезервирани во поглед на прикажување на нивните дигитални записи.

Како што денес размената на информации преку интернет, стана еден вид форма на учество во јавната култура и еден вид допринос за јавните дискусии, очигледно е дека доминацијата на мажите е диспропорционална, " вели Естер Харгитаи. "Ова покажува дека интернетот не е еднакво место за мажите и жените, бидејќи оние кои објавуваат повеќе, ги зголемуваат содржините на веб сајтовите," додава таа.

Најверојатно тоа се должи на недоволното познавање на жените за објавување  податоци на интернет или пак дека жените не знаат како да ги искористат сите можности на компјутерот.

"И покрај тоа што креаитвниот потенцијал е еднакво распределен меѓу мажите и жените, размената на таквите содржини не е во иста пропорција" вели Харгитаи.

"Многу од почетните истражувања се однесуваа на можноста да се поседува дигитална технологија и пристапот што луѓето од различни земји го имаат до таквата опрема," вели Харгитаи.

Во нивното собирање информации за објавувањето на податоци, без разлика дали на интернет или надвор од веб рамките, истражувачите открија дека во просек двајца од тројца мажи и две од три жени се посветени на креативно пишување, уметнички фотографии, музички спотови и различни видеа.

Не е изненадувачки фактот што личните статии се најзастапени на интернет, бидејќи тоа е најлесно да се објави на интернет преку различни начини. После пишувањето, најзастапени се видеата. "Сајтовите за размена на видеа како што е YouTube, им овозможуваат на луѓето полесно да ги објават нивните видео материјали," вели таа.

Оваа студија била спроведена на 1.060 студенти од универзитетот во Илиноис, Чикаго, кои според U.S. News & World Report, важи за еден од универзитетите каде има студенти од најразлични етнички групи. Истражувачите не забележале скоро никаква разлика во навиките за објавување содржини на интернет меѓу различните расни и етнички групи.

Проектот на Northwestern за користењето на интернетот исто така посветил внимание и на тоа како разликите во вештините за работење со интернет, влијаат врз однесувањето на корисниците на веб услугите и како младите сепак имаат некаква бенефиција од времето потрошено во користење дигитални медиуми.