Акциите на Yahoo и Microsoft растат на берзата во САД, откако се појавија новостите дека гигантскиот софтвер преговарал со други компании за заедничка понуда на интернет пребарувачи.

The Wall Street Journal објави дека Microsoft преговарал со News Corp, Time Warner и други конгломерати за здружување, што пред пет месеци му беше понудено на Yahoo.

Според овој весник, Microsoft ќе го откупи бизнисот за пребарување од Yahoo, додека остатокот од компанијата од Силиконската долина, ќе се соедини со други компании како News Corp's Myspace и Time Warner's AOL.

Извештајот укажа на тоа дека Microsoft можеби има потешкотии при наоѓањето на партнери, и покрај тоа што преговорите се во почетна фаза.

Овој податок додаде новини во дискусијата за големата борба на гигантот да го превземе Yahoo и да ја надмине конкуренцијата од Google за пребарувчи на интернет.

Microsoft даде понуда да го купи Yahoo за 47.4 милијарди долари во февруари, но веднаш беше одбиен од директорите на Yahoo, кои рекоа дека понудената цена била премногу ниска.

(Т.Ј)