Facebook денеска го најави својот нов дизајн. Новиот Facebook сајт ветува почист и по едноставен дизајн, а дава и можност корисниците да ги прегледуваат и тестираат најновите карактеристики и да се уверат во функционалноста на дизајнот.
Facebook ги повикува своите членови да го користат новиот дизајн и да ги испробаат подобрените опции, правејќи споредба на старата и новата верзија на сајтот. На почеток пристапот до новиот дизајн ќе биде ограничен, но постепено Facebook ќе стане достапен за сите членови, кои во моментов се над 80.000.000.
„Измените кои ги направиве денеска се со цел да се нагласат сите релевантни информации кои им се важни на корисниците. Измените исто така ќе им овозможат на корисниците да воспостават поголема контрола над нивните профили и да го поедностават целокупното искуство. Новиот дизајн на Facebook овозможува полесен пристап до информации и ги охрабруваме сите заинтересирани корисници да ни се придружат " рече основачот на Facebook Марк Цукерберг, "
Новиот дизајн на Facebook ќе биде достапен на следната адреса; http://www.new.facebook.com/. За неколку недели, сите корисници на Facebook автоматски ќе бидат пренасочени на новата верзија.
(Д.Т)