
|
 |
Футурама / Интернет & IT
|
|
Нов пребарувач Cuil
Поранешна вработена во Google и нејзиниот сопруг, објавија нов интернет пребарувач наречен Cuil ( кој се изговара "cool").
Ана Петерсон, поранешна директорка на секторот за пребарување на интернет во Google, и нејзиниот сопруг Том Костело, кој го истражувал и развил софтверот за пребарување на Универзитетот Станфорд и IBM, го основаа Cuil со цел да создадат поуспешен пребарувач од Google.
Третиот основач на овој пребарувач е Расел Пауер, кој исто така работел во Google на пребарување, рангирање на веб страните и spam детектирања.
Од компанијата, велат дека Cuil може да пребара над 120 милијарди веб страни и да најде податоци и резултати за оние корисниците кои сакаат целосна приватност за нивните пребарувања.

Од Google објавија дека откриле над еден трилион веб страни со уникатна содржина, но не дадоа поконкретни податоци за тоа колку од нив имаат индексирано.
Cuil велат дека нивниот пристап за пребарување ги одминува процедурите на анализирање на содржината на секоја страна, така што овозможува подобро рангирање на информациите по квалитет отколку по гледаност. Cuil ги организира сличните резултати во групи и ги групира по категории. Исто така нуди опција за специфицирање и помош при пребарувањето.
Cuil не е првиот ривал на Google за оваа година, Wikia Search од основачот на Wikipedia Џими Вејлс, исто така се објави годинава во Јануари.
(Т.Ј)
|
|
|
 |
|
 |
 |
Пребарување
|
|
|
|
|
|
 |
IDIVIDI Речник
|
|
|
|
| Powered by MagnumPRO |
|
|
|