Индија изработува лаптоп кој би се продавал по цена од 10 долари, јавија индиските медиуми.

Евтиниот лаптоп, на кој работат во индискиот институт за науки во Бангалор и индискиот институт за технологија во Ченаи треба да придонесе за зголемување на квалитетот на високото образование во Индија.

Индиската влада, која е иницијатор на проектот не ги открива спецификациите на лаптопот, ниту пак објасни дали толку ниската цена ќе биде последица на посебните владини субвенции.

Според индискиот министер за високо образование Д. Пурандсвари проектот има за цел да ја зајакне програмата за учење на далечина и зголемување на користењето на интернетот за едукативни цели.

Според Пурандсвари, новиот лаптоп освен што ќе има ниска цена, ќе има и мала потрошувачка.

Владата исто така планира да овозможи бесплатен бендвит за едукативни цели. Според владиниот план овој бендвит ќе треба да помогне во изградбата на „мрежа на знаење“ меѓу високообразовните институции во земјата.

(Д.Т)