Open source експертите од универзитетот во Вашингтон пронашле начин за следење на украдените лаптоп компјутери, што не вклучува константно следење на корисникот.
Иако можете да платите за 24-часовно следење на компјутерот, негативната страна, покрај тоа што таквото нешто е прескапо, секој ќе знае каде сте и што правите. Тимот научници го осмисли Adeona системот, наречен по римската божица за сигурно враќање, за кој се верува дека на луѓето ќе им овозможи да го следат нивниот лаптоп, без притоа да се потпираат на корисничките или пак на комерцијалните софтвери.
Тадајоши Конои и Габриел Маганис соопштија дека Adeona е првиот бесплатен open-source систем за следење на лаптопите, кој корисниците ќе можат сами, без помош од други компјутерџии да го инсталираат. Експертите во моментот работат и на слична верзија, наменета за системот на iPhone.
Adeona работи како LoJack сервисите, но овдека целото следење не се одвива преку централните сервери. На овој начин, како што истакна Конои се обезбедува приватност и независност на корисникот од компаниите за следење.
Системот ќе ја објави IP адресата која ќе открие каде компјутерот се користи, а доколку лаптопот има вграден камера, тогаш софтверот ќе го фотографира крадецот секои триесет секунди. Исто така може да се открие и SSID wireless мрежата што крадецот ја користи, што може да биде особено корисно при утврдување на локацијата на лаптопот.