На интернет веќе протекоа слики и клип од следната генерација на оперативниот систем на Microsoft – Windows 7. „Козметичките“ измени, зголемениот број на функционалните промени, исфрлањето на апликациите за и-пошта, уредување на фотографии и слично, се само некои од промените кои треба да ги донесе новиот Windows.

На интернет страницата ThinkNext.net деновиве се појавија серија фотографии и видео клипови од наводна нова верзија на Windows.

Објавените слики укажуваат дека е направен нов изглед на изборникот Start, а значителни измени се направени и во изгледот на некои икони, додадени се некои нови администраторски функции, направена е измена на контекстуалниот изборник, унапреден е калкулаторот, интегрирани се нови сигурносни опции во Internet Explorer 8.

ГАЛЕРИЈА

Тимот пак на страницата Cnet, дознава дека Windows 7 во базичната верзија нема да има алатки за Photo Gallery, Windows Mail и Windows Movie Maker, овие опции ќе можат дополнително да се инсталираат.