Ако спаѓате во групата на корисници кои намерно или случајно сте го прескокнале оперативниот систем Vista, тогаш дојде ред да го инсталирате Windows 7, и тоа неговата 64-битна верзија.

За оваа идеја би требало да размислат сите оние кои што имаат Intel Core 2 Duo или некој од поновите 64-битни процесори.

Основното прашање е зошто баш сега 64-битна верзија, а одговорот е едноставен и содржен само во еден збор – меморија. Со 32-битна верзија вие сте ограничени на 4 GB меморија, а дури и тога имате слободно само 3.3 GB.

Со 64-битната верзија системот од 4 GB рам е минимум, а Windows 7 (па и Vista) работи одлично со таа конфигурација. Вашиот компјутер ќе работи одлично, а инженерите од Microsoft препорачуваат кога ќе излезе целосната верзија на Windows 7 да се користи 64-битната верзија.

Доколку не планирате да го надградите вашиот компјутер на 4 GB меморија, тогаш ви предложуваме да си останете на 32-битната верзија, бидејќи нема да можете целосно да го искористите потенцијалот на 64-битната.