Во Кина се појави копија на најголемиот светски Интернет пребарувач Google, кој пред две недели се закани дека ќе се повлече од оваа земја поради зачестените сајбер напади и обврските да ги цензурира пребарувањата.

Во земјата позната по копиите на скоро сите познати светски брендови се појави копија и на Google, објави дневникот „Хенан".

Името на кинескиот пребарувач е „Гуџе“ што во слободен превод би било „постара сестра“, додека „гле“ ( последниот слог од Google ) значи „постар брат“.

Пребарувањето преку „постарата сестра“ дава слични резултати како она на „постариот брат“.

Според „Хенан“ овој пребарувач е „дело“ на една студентка од провинцијата Гуангдонг, на југот на Кина.