Најновото британско истражување утврди дека опсесијата на младите со славните личности е најстрашното нешто што може да му се случи на современото општество.

Многу од студентите и учениците ја игнорираат реалната кариера инспирирани да постигнат светска слава, откри Асоцијацијата на професори во Британија, кои ја спроведоа оваа студија.

Речиси две третини од професорите сметаат дека спортските ѕвезди се оние што учениците највеќе сакаат да ги следат, веднаш по нив се поп ѕвездите, а на трето место се актерите.

Денес учениците би се задоволиле и со фактот да “бидат славни само заради тоа што се славни”, што е најлошиот избор, бидејќи во минатото за да бидеш славен треба да имаш некаква уметничка кариера и да поседуваш некаков талент.

Најстрашното е што денес славните личности не ги инспирираат учениците во позитивна смисла, дека треба да го следат својот сон и да постигнат нешто во кариерата, туку дека можат да бидат славни по секоја цена, па дури и да немаат никаков квалитет и никаков успех во животот. За тоа зборуваат “ѕвездите” кои ја постигнаа својата слава преку разно разни реалити шоуа и бизарни емисии.

(И.Ј)