Група американски научници откриле биолошки маркер за депресија во мозокот на депресивните пациенти кои извршиле самоубиство.

Научниците од Универзитетот во Илиноис извршиле испитување на мозоците на 16 пациенти кои се болни од депресија и ги споредиле со мозоците на пациенти кои во своите семејства немале никакви психички пореметувања.

Резултатите покажале интересно откритие, односно протеин наречен “Gs alfa” кој постоел во мозокот на депресивните личности и бил концентриран во посебните области на мозочните ќелии.

Кога “Gs alfa” е “заробен” има намалена способност да ги активира невротрансмитерите. Искуствата од лабораториските истражувања извршени на глувци покажале дека антидепресивите помагаат во ослободување на протеинот “Gs alfa” и го олеснуваат дејството на невротрансмитерите, истакна водачот на американското истражување Марк Рејзник.

Ова американско истражување има огромно значење бидејќи може да доведе до развој на тестови за откривање дали препишаните антидепресиви се делотворни, со што би се олеснило лечењето на пациентот.

(И.Ј)