Промената на нивото на хормони кај берзанските брокери се делумно одговорни за цената на акциите на берзата, велат научниците од Кембриџ универзитетот.

Резултатите од нивната студија објавена во магазинот „Proceedings of the National Academy of Sciences“ сугерираат дека нивото на тестостеронот кај брокерите директно е поврзано со висината за заработувачката која ја оствариле со тргување, додека ниво на хормонот на стрес кортизол влијае на намалување на склоноста на брокерите на ризик.

Психолозите кои работеле со инвестиционите банкари веруваат дека со овие наоди полесно ќе можат да се објаснат некои на изглед нерационални облици на однесување на брокерите.

Истражувањето е направено врз лондонските брокери, на кои пред и после тргувањето на берзата им е мерено нивото на хормони.

Студијата покажала дека нивото на тестостерон е значително поголемо во деновите кога испитаниците повеќе ризикувале и оствариле натпросечен профит, додека зголеменото ниво на кортизолот е поврзано со избегнување на ризикот и последователно на тоа и со помалата заработувачка.

(Д.Т)