Најстарото дрво на светот е 9.550 години старата смрека во Даларна, Шведска.

Смреките, кои растеле помеѓу други високи дрва и мали грмушки, се покажале како дрва кои успеале да преживеат низ разни климатски промени низ времето.

Тие во планинските делови во Шведска се сметаат како поново населени дрва, но, според резултатите од Умеа Универзитетот се докажало дека всушност се едни од најстарите дрва во светот кои сеуште се живи.

Преку истражувањето се пронајдени стари смреки со 375, 5.660, 9.000 и 9.550 години.
Пресметката на староста е извршена со помош на јаглерод-14 системот во лабораторијата во Миами, Флорида.

Боровите од Северна Америка беа сметани за најстари дрва со 4.000 до 5.000 години старост се додека не беа пронајдени 20-тина стебла во околината на Даларна кои имаат над 8.000 години.

Научниците сметаат дека овие дрва ќе бидат одличен учител за климатските промени низ времето.

(Б.Т)