Луѓе кои се плашат од светлината, имаат жолти тесни и долги заби, нокти како на животно и кои се алергични на лук -  навистина постојат, а да не се спомнуваат оние кои често носат црна облека и накит со готски стил дури и оние кои вештачки имплантираат “вампирски“ заби и гризаат стари лица додека се “хај“.

Фактот дека доста старици се гризнати, не е мит.
Во Калининград еден тинејџер има убиено двајца пензионери при специјална вампирска церемонија.
Најзлобниот настан се случил во Велика Британија пред 4 години кога 17-годишен тинејџер ја закла својата сосетка, и го извади срцето и ја испи целата нејзина крв верувајќи дека ќе стане бесмртен.

Скоро секоја нација има легенди за вампири кои ги ловат луѓето во ноќта и им ја пијат крвта. Во овие легенди вампирите се претставени како зли суштества, без срце и наполу изгниени.

Словенскиот народ има верување дека ако се фрли пченка над гробот на вампирот, тој нема да излезе бидејќи цела вечер ќе ги брои зрната.

Но, сликата за вампирите е изменета. Денес тие претставуваат енигматични, секси суперѕвезди кои ги имаат задржано само основните карактеристики.

Во Средниот век легендата за вампирите била надополнета со информацијата дека тие се плашат од Света Вода и Крст.
Тоа остана како мит се до 1963 кога Британскиот доктор Ли изјави дека вампирот-врколак не е ништо повеќе од жртва на генетска патологија – порпирија.

Ова е ретка болест (1 на 20.000 луѓе) се карактеризира со скоро никакво лачење на црвени крвни зрнца, а како резултат на  тоа и со мала оксидација на крвта и намалена количина на железо која доведува до распаѓање на хемоглобинот при изложеност на Сонце.

На кожата се манифестира преку големи чирови и црвенила, дури и со деформација на кожата.
Прстите се згрчуваат, устата станува сува и се повлекува со што непцата стануваат видливи и жолти.

Лукот, кој стимулира емисија на црвени крвни зрнца кај здрав човек, предизвикува влошување на симптомите кај луѓето со оваа болест паралелно со јаки болки кој предизвикуваат и ментална нестабилност.

Ако ги соберете сите предходни симптоми ќе добиете иста слика како што се претставени вампирите во филмовите.

Во Франција во 17-тиот век, 30 илјади луѓе биле прогласени за врколаци поради поседувањето на оваа болест и на крај обесени, а некои од нив и набодени на кол.

Порпиријата не е инфективна, само наследна болест. Ако еден од родителите ја поседува, шансата за детето да ја прифати се 25%.

Причина за болеста може да биде: Хепатит Ц, инцест или пак претерано консумирање на алкохол.

Во средниот  век болеста била лечена со помош на крв (од таму и пиењето крв од страна на вампирите), иако било бесцелно поради тоа што болката не се намалувала.

Денес, лек за ова болест сеуште нема.

(Б.Т)