|
 |
Футурама / Наука
Дизни одговорен за исчезнувањето на Немо
 Тропската риба кловн – ѕвездата на познатиот цртан фил „Finding Nemo“ е пред истребување, само пет години откако Дизни го издаде филмот, кој можеби делумно е одговорен за ваквата состојба.
Се проценува дека половина од глобалната побарувачка на рибата кловн се обезбедува преку посебните мрестилишта, што значи дека остатокот се надополнува од морето.
Сега просечната група од популацијата на риба кловн во Квинсленд, Австралија од 25 опадна на шест, што го отежнува нивното размножување, покажува најновото истражување на др. Били Синклер од Кумбриан универзитетот, кој последните пет години го истражува овој вид на риба.
Синклер вели дека филмот за рибата кловн кој трага по својот син кој бил фатен за да биде дел од нечиј аквариум придонел за поголема едукација на децата за подводниот свет.
По појавата на филмот рибата кловн стана тренд и распространетата идеја дека секое дете „мора да има“ таква риба, придонесе за преголема побарувачка.
„Мојата порака за децата кои го сакаат филмот е едноставна: кажете им на вашите родители да го остават Немо во морето, каде што припаѓа“, вели Синклер.
Експертот додава дека покрај зголемената побарувачка, своја улога во намалување на популацијата на оваа риба си одиграле и климатските промени.
Порастот на температурата на морето, кое придонесе за „белеење“, а потоа и умирање на коралите е уште еден фактор за ваквата состојба.
(Д.Т)
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|