|
 |
Футурама / Наука
Тапанарите со подобра кондиција од фудбалерите
Тапанарите имаат подобра физичка кондиција од фудбалерите, покажа неодамнешната британска студија.
Како доброволен „лабораториски глушец“ послужил тапанарот на групата Blondie, Клем Бурк, кој осум години бил „набљудуван“. Истражувањето покажало дека едночасновното свирење го крева пулсот на нивото што Кристијано Роналдо го има за време на еден обичен натпревар во лигата.
Ако се земе предвид дека фудбалерите во текот на годината во просек играат по 50 натпревар, тогаш слободно може да се заклучи дека тапанарите се во подобра форма со оглед на фактот што тие многу почесто имаат свирки.
„Во период од една година, Клем имаше 100 концерти на кои свиреше по час и половина. Фудбалерите во лигата на шампионите играат по еден натпревар во две недели. Музичарите имаат посилно темпо на работење, особено кога се на турнеа. За такво нешто мора да имате совршена кондиција“, вели Маркус Смит, кој учествувал во истражувањето.
Студијата покажала дека срцето на тапанарите може да има од 140 до 150 отчукувања во минута, а понекогаш може да достигне и до 190.
Истражувањето покажало дека Клем Бурк, кој сам го иницирал истражувањето, за време на една свирка троши од 400 до 600 калории. Научниците се надеваат дека овие резултати ќе им помогнат во борбата против прекумерната тежина кај младите лица.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|