Постои опасност додека младите кои сè уште се во првите недели од животот, да не ги препознаат своите мајки, бидејќи веднаш се социјализираат и пливаат заедно со другите делфини.

Има многу случаи на „крадење” младенчиња, каде  мајките ги мешаат своите деца. Криците кои ги испуштаат се знаци на препознавање со чија помош младите препознаваат  која им е мајка.

Вакви инциденти на „крадење“ млади, се случуваат обично во првиот ден од нивниот живот, се додека новородениот делфин не го научи звукот за препознавање на својата мајка. После тоа, може лесно да се одвои од мајката и да плива во групи со другите делфини, без никаква опасност дека ќе го замени родителот.

Кај некои видови птици периодот на препознавање е многу мал и трае неколку часа, додека кај цицачите може да трае првите неколку недели од животот на новородените.

Криците кои секоја мајка делфин ги испушта се специфични и не се поклопуваат со оние на другите делфини, на тој начин  нивните деца полесно  ги идентификуваат. Кога младенчињата ќе станат повозрасни, стекнуваат навика да пливаат до својата мајка и да бидат постојано во нејзина близина.

(Т.Ј)