|
 |
Футурама / Наука
|
|
САД ќе им ги чита мислите на војниците
Американската армија вложи четири милиони долари во истражување кое би требало да открие начин за читање на мисли.
Пентагон се надева дека научниците еден ден ќе можат да направат машина која би ги преведувала мислите на војниците кои претрпеле повреди на мозокот за време на воените операции или пак мислите на луѓето кои преживеале мозочен удар.
Научниците од три американски универзитети веќе започнаа со проучување на енергетската активност на мозокот и се обидуваат да откријат што испитаниците мислат и кон кого е насочена пораката.
Засега истражувањата се базираат на тоа волонтерите, кои на глава имаат шапка со електроди, да ги насочат своите мисли кон зборовите што научниците им ги задаваат.
„Потребни се години и години истражување за да откриеме што лицето слободно мисли“, изјави Мајкл Дезмура, кој раководи со истражувањето.
Дезмура вели дека идната машина за читање мисли ќе треба долго време да се тестира пред да започне да се употребува и оти таа никогаш нема да се користи при испитување на непријателите.
„Машината сепак нема да може да се користи без нечија вистинска и активна соработка“, изјави Дезмура.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|