|
 |
Футурама / Наука
|
|
Најважниот научен експеримент во човечката историја
|
|
| Научниците во Центарот во Женева концентрирано го следат почетокот на експериментот | | Научниците од Европскиот центар за атомска физика во Женева го пуштија за прв пат во употреба огромниот акцелератор на протони, од кој светската наука очекува фундаментални сознанија за создавањето на целиот космос.
Пуштањето во погон на огромната постројка сместена 100 метри под површина на земјата мина совршено, изјави претпладнево шефот на проектот Лин Еванс во контролниот центар кај Женева. „Ова е фантастичен миг, бидејќи зачекоруваме во нова ера што се однесува до нашата способност да ги разбереме почетокот и развојот на универзумот“ – појасни Еванс.
Подготовките траеја четврт век
Неговото одушевување е разбирливо ако се знае дека подготовките за овој голем миг во историјата на човештвото траеа цели 25 години. Во каналот со силно магнетско поле долг цели 27 километри утринава научниците пуштија прв млаз протони, кои по околу еден час успешно ја минаа целата траса. Во подоцнежната фаза на експериментот научниците планираат да предизвикаат судар на два млаза атомски јадра, кои ќе ги забрзаат блиску до брзината на светлината. Со тоа би требало да се создаде мала огнена топка, во која ќе се развие топлина милијарда пати повисока од онаа во центарот на Сонцето. Физичарите очекуваат дека од неа ќе се создадат уште помали честички, кои би требало да бидат градежните елементи на нашата материја. Значи, тие се обидуваат да симулираат еден вид „биг бенг“ односно пра-експлозија, за која претпоставуваат дека се случила пред околу 13 милијарди години, на почетокот на создавањето на видливиот универзум.
„Веројатно со нашите експерименти нема никогаш да стигнеме до биг-бенгот, но се надеваме ќе му пријдеме многу блиску. И исто така се надеваме дека на тој начин ќе добиеме фундаментални научни сознанија, кои ќе ни ги појаснат не само законитостите на атомската физика, туку и начинот на кој бил создаден универзумот“ – објаснува Зигфрид Бетке, атомски физичар од германскиот Институт Макс Планк.
Тајната на „црните дупки“
Тој и неговите колеги од 35 земји се надеваат дека на тој начин ќе можат да добијат и експериментална потврда за владеачките научни теории на полето на атомската физика. Особено големи надежи тие вложуваат во можноста да ја разоткријат и тајната на т.н. темна материја, од која се состои 95% од целиот космос. Физичарите нејзе за сега ја препознаваат само поради нејзината гравитација, но не можат да ја истражуваат.
Денеска водечки научници на Европскиот центар за атомска физика уште еднаш категорично им се спротиставија на теориите дека од нивниот експеримент би можела да биде создадена и анти-материја, односно т.н. црна дупка во универзумот, која е во состојба да ја голта материјата и на тој начин да ја уништи Земјината топка.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|