|
 |
Футурама / Наука
|
|
Црквата одбива да му се извини на Дарвин
 Ватикан, 17 септември (МИА) - Министерот за култура на Ватикан, надбискупот Џанфранко Раваси изјави дека Католичката црква нема намера постхумно да му се извини на британскиот научник Чарлс Дарвин поради начинот на кој реагирала на неговата теорија на еволуцијата пред 150 години.
Изјавата на Раваси претставува реакција на апелот на неколкумина свештеници на Англиканската црква кои побараа Католичката црква да му се извини на познатиот научник.
- Можеби би требало да престанеме да се извинуваме и да се однесуваме кон историјата како да е суд во постојано заседание, изјави Раваси, додавајќи дека за разлика од многу протестантски цркви, Католичката црква никогаш не ја осудила теоријата на Дарвин, ниту пак ги забранила неговите дела.
Тој потсети дека во 1950 година папата Пиј Дванаесетти оценил дека еволуцијата е валиден научен пристап за настанокот на човештвото, што во 1996 година го потврдил и Јован Павле Втори.
Раваси најави дека во март идната година во Рим ќе биде одржана конференција по повод 150-годишнината од објавувањето на книгата на Дарвин „Потеклото на видовите“, која се смета за основа на теоријата на еволуција.
Според Раваси, на конференцијата се поканети научници, теолози и филозофи од разни делови на светот и таа ќе биде можност да се расправа за прашањата поврзани со еволуцијата, но и за односите меѓу религијата и науката.
Христијанските цркви ја оспоруваат Дарвионовата теорија од причина што таа е во спротивност со Библијата по која Господ го создал светот за седум дена.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|