Футурама / Планета
Откриена најмалата екстрасоларна планета
Научниците се сè поблиску до откривање на екстрасоларна планета со димензии на Земјата, која е во орбита околу ѕвезда слична на Сонцето. Најновото откритие е дело на група астрономи од Шпанија, кои неодамна ја откриле најмалата екстрасоларна планета во ваков систем позната досега. Означена како GJ 436T, оваа планета од нашиот систем е оддалечена околу 30 с.г., во насока на соѕвездието Лав.
"Екстрасоларна планета (уметнички приказ)"
Тимот, предводен од астрономот Игнаси Рибас (Ignasi Ribas), ја открил оваа планета благодарение на гравитационото дејство што таа го има врз другите планети, кои веќе била познати во овој ѕвезден систем.
GJ 436T има околу пет пати поголема маса од таа на Земјата, што ја прави да биде најмала екстрасоларна планета во систем налик на нашиот. Научниците претпоставуваат дека е можно да се работи за карпеста планета (со оглед на нејзините димензии), за разлика од повеќето познати екстрасоларни планети, кои се гасовити џинови како Јупитер.
Инаку, досега се познати уште три планети кои имаат димензии слични на Земјата (0,02, 3,9, and 4,3 пати од масата на нашата планета), но тие орбитираат околу бело џуџе, т.е. остаток од некогашна ѕвезда.
Сепак, новооткриената планета не е погодна за појава и развој на живот, заради тоа што се наоѓа на многу мало растојание од војата матична ѕвезда. Имено, орбитата на GJ 436T е толку мала, што таа прави комплетен круг околу својата ѕвезда за 5,2 Земјини дена, додека една ротација околу својата оска комплетира за 4,2 Земјини дена.
|