Наречена “пулсирачка јаглеродна џуџе ѕвезда“ ова е првата ѕвезда од ваков тип која е откриена после 25 години.

Поради тоа што мнозинството на ѕвезди, вклучувајќи го и Сонцето, ќе го завршат својот живот како “бело џуџе“, проучувањето на пулсирањата (варијации на светлински зрачења) на новооткриените примероци ќе им овозможи на астрономите да креираат нов поглед за прекинувањето на животот на повеќето ѕвезди.

Ѕвездата од типот на “бело џуџе“ е остаток од ѕвезда која комплетно го потрошила својот капацитет да зрачи топлина. Се карактеризира со голема маса (од 0.5 до 1.5 пати поголема од масата на сонцето) и со големина скоро иста со Земјата.

До скоро, се веруваше дека постојат два вида на бели џуџиња: едни со надворешна обвивка од водород (околу 80% од белите џуџиња), додека другите се со обвивка од хелиум (останатите 20%).

Минатата година, астрономите открија и трет вид на бело џуџе кој во својата обвивка немаат ниту водородна ниту хелиумова обвивка, кај кои јаглеродната маса е директно изложена.

Откако новите јаглеродни ѕвезди беа објавени, беше пресметано дека пулсирањето кај овие ѕвезди е можно.

Пулсирачките ѕвезди се од голем интерес за истражување поради тоа што промените во светлината може да открие што се случува во внатрешноста и што станало со нивниот водород и хелиум.

Младиот ДеГанаро откри ваква ѕвезда која е оддалечена околу 800 светлосни години, во соѕвездието Урса Мајор и која има варијација на светлината од околу 2% на секои 8 минути. Масата на ѕвездата е скоро иста како таа на Сонцето, но дијаметарот е помал од дијаметарот на Земјата. Таа лачи топлина од 19.500 целзиусови степени и е 1/600 помалку светла во однос на Сонцето.

Астрономите шпекулираат дека пулсирањата се причинети од промените во јаглеродната содржина на ѕвездата при нејзиното ладење. Јонизираните јаглеродни атоми во надворешната обвивка се враќаат во неутрална состојба која ги предизвикува пулсирањата.

Изучувањето на овие ѕвезди ќе фрли светлина на непознатите процеси кој ги оттргнуваат слоевите на гасови од површината на белите џуџиња.

(Б.Т)