Инженерите на НАСА тестираат нови роботи кои планираат да се употребат за повторно враќање на Месечината.

Еден од нив е и Crew Mobility Chassis Prototype. Тој е новиот концепт наменет за движење на астронаутите на површината на Земјиниот природен сателит.

Возилото е во фаза на тестирање за движење по различни терени.

Една од неговите карактеристики е големата мобилност. Секое тркало може да се движи индивидуално во било која насока, давајќи можност за движење на Crew Mobility странично, напред-назад или било кој степен на движење меѓу претходно наведените.

Тоа е предност бидејќи постои можност превозното средство да заглави во голема количина на прав. На овој начин, со цик-цак движења тоа би се извлекло од било која ситуација.

Планот за Crew Mobility е да биде функционален и спремен за испраќање, заедно со екипаж, на Месечината во 2020 година.

(Б.Т)