"Приказот покажува каде е најден хидроксилот во атмосферта на Венера."

„Со оглед на тоа дека атмосферата на Венера не била проучувана толку детално пред доаѓањето на Венус Експрес, не бевме во ситуација да потврдиме она што го предвидуваа нашите модели со помош на директно набљудување на она што се случува моментално во атмосферата на Венера. Ова откритие ќе ни помогне да ги усовршиме нашите модели.“ - така објасни Џузепе Пичони (Giuseppe Piccioni), еден од главните научници што го следат експериментот ВИРТИС, од Институтот за вселенска астрофизика и космичка физика од Рим (Istituto di Astrofisica Spaziale e Fisica Cosmica).

На Земјата, присуството на хидроксил се покажа дека е тесно поврзано со изобилството на озонот. Ова откритие се смета дека важи и за атмосферата на Венера. Сега научниците можат да го предвидат количеството на озон присутен во атмосферата на Венера. Венус Експрес покажа дека количеството на хидроксил на Венера е екстремно варијабилен. Може да варира и до 50% од една орбита до друга, поради различното изобилие на атмосферскиот озон.
„Озонот е многу важна молекула за секоја атмосфера, поради фактот дека е одличен штит од УВ радијацијата која доаѓа од Сонцето“ - потврдува Пичони. Количеството на апсорбирана радијација е клучен параметар, кој го води затоплувањето и атмосферските динамики на една планета. „Венус Експрес покажа дека Венера е послична на Земјата од она што се верува. Пронаоѓањето на хидроксилот направи голем чекор во зближувањето на овие две планети“ - заклучи Пичони.