Американската вселенска агенција НАСА ја оживеа идејата за изградба на вселенска едрилица кој во меѓупланетарните мисии како погон ќе го користи соларниот ветер. Кон крајот на јули ќе се лансира сателитот со експерименталното летало.

Еден од раководителите на проектот Едвард Монгомери истакнува дека сателитот „NanoSail-D“, засилен со четириаголна едрилица, изработена од супертенка плоча ќе биде лансиран со ракетоносачот „Falcon-1“ од стартниот комплекс на островот Омелек, кој се наоѓа во Тихиот Океан. Лансирањето треба да се случи во периодот од 29 јули до 6 август годинава.

„ NanoSail-D“ ќе биде првиот апарат со соларна едрилица кој ќе се движи низ Космосот благодарение на соларната енергија.

Пред околу 20 години американско-руски конзорциум се обиде во орбитата да лансира слична едрилица.

Апаратот „Cosmos-1“ го изработија научниците од подмосковскиот научно-истражувачки центар „Г.Н.Бабакин“, со финансиска помош од Американското планетарно друштво.

Се очекува, кога сателитот ќе достигне висина од 800 километри, едрилицата да ги отвори осумте едра кои ќе направат круг со пречник од 30 метри.

(Д.Т)