|
 |
Футурама / Планета
|
|
НАСА се подготвува за истражување на атмосферата на Марс
 Американската агенција за вселенски истражувања НАСА работи на проект за нов орбитален уред, кој треба да ги спроведе сложените истражувања на атмосферата на Марс.
Лансирањето на уредот наречен МАВЕН е планирано за 2013 година. МАВЕН, кој е дело на Лабораторијата за физика на атмосферата и вселената при Универзитетот „Колорадо“, чини 485 милиони долари.
Според планот, МАВЕН би требало да пристигне во атмосферата на Марс во есента 2013 година. Тој таму ќе се движи во елиптична орбита на висини од 145 до 6.228 километри над површината на планетата.
Истражувањето на МАВЕН на атмосферата на Марс предвидено е да трае една година, по што апаратот ќе може да се користи како средство за комуникација со Земјата за сондите и роботите кои ќе бидта испратени на Црвената планета.
Научниците сметаат дека во минатото атмосферата на Марс била погуста, но дека како последица на драстична промена на климата, планетата „загубила“ голем дел од својата атмосфера. Астрономите до сега не можат да објаснат зошто дошло до овие промени.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|