|
 |
Футурама / Планета
|
|
Колку се опасни заканите од астероиди
Технологија за откривање и скршнување на опасните вселенски карпи веќе постои, но недостасува некој да ја координира нивната употреба, велат од Асоцијацијата на Вселенски истражувачи.
Тие побараа од Обединетите Нации да реагираат и да се преземе одговорноста за потенцијалните катастрофи од заканите на астероидите.
Од Асоцијацијата сметаат дека глобална интернет мрежа координирана од Обединетите Нации, која ги користи податоците од земјата и вселенски базираните телескопи, треба да се искористи за да ги пронајдат и лоцираат објектите блиску Земјата, и да го предвидат ризикот.
Во моментов НАСА е задолжена за надгледување на вселенските објекти, за кој не се смета дека претставуваат опасност. Од Асоцијацијата сметаат дека новите телескопи поврзани со интернет мрежата ќе ги зголемат откритијата на астероиди за 100 пати.
Тие не очекуваат Обединетите Нации да се инволвираат во мисиите во вселената, туку дека некој треба да ја преземе одговорноста во врска со одлуките за евакуација.
„Кога некој астероид се заканува на Земјата, не се знае точно во кој дел ќе удри, сè до последниот момент. Одлуката за заштита и евакуација на луѓето мора да биде координирана од некоја интернационална организација“, велат тие.
Со фокусирањето на климатските промени и заканите од тероризам, целосно се изостави потенцијалниот фактор за катастрофи, односно астероидите. Удар на Земјата дури и од најмалите карпи може има ефект како да експлодирале 400.000 нуклеарни бомби како во Хирошима. Поголеми објекти имаат ефект како милион бомби од Хирошима, што потоа можат да предизвикаат цунами, да ја оштетат атмосферата, да предизвика радикални климатски и промени на релјефот на Земјата.
Постојат неколку програми кои моментално работат на лоцирање на вселенски објекти, меѓутоа тие не се добро координирани и немаат толкава способност за откривање на доволен број на објекти.
Со оваа иницијативата Меѓународните организации да ја преземат одговорноста за опасност од астероиди, треба координирање на политичкото водство од една страна и науката од друга.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|