|
 |
Футурама / Планета
|
|
Бројот на ѕвездите во Вселената е уште поголем
„Стапката на раѓање“ на ѕвезди дефинитивно тешко се одредува. Растојанието и оддалеченоста во Универзумот дефинитивно им ја отежнува работата на астрономите во броењето на новоформираните небесни тела. Сепак, ѕвездите во формирање испраќаат своевидни сигнали, познати како „H-alpha“ емисија, која им помага на астрономите . Колку повеќе ѕвезди се формираат од одреден дел од вселената толку поголема е емисијата на „H-alpha“ зраците од тој предел.
„Емисијата на „H-alpha“ зраците се случува само во пределите каде што постојат големи ѕвезди“, вели Јан Флам-Алтенбург од универзитетот во Бон.
Досега се веруваше дека „тешките“ и „лесните“ ѕвезди се раѓаат на одредено растојание и дека едно „H-alpha“ бебе е придружувано од 230 полесни ѕвезди, кои поради својата мала маса не се во состојба да емитуваат „H-alpha“ зраци.
Сепак, последните опсервации покажаа дека оваа теорија е неодржлива. На краевите на „дисковидните галаксии“ „H-alpha“ радијацијата нагло завршува. Долго време научниците тврдеа дека тоа е доказ дека во овие предели нема новосоздадени ѕвезди бидејќи количината на гасовитите материи е премногу мала за да може да се соедини и да формира топка од која подоцна ќе се роди ѕвездата.
Неодамнешните сателитски снимки откриваат дека ѕвездите сепак се формираат и во предели каде што воопшто нема „H-alpha“ зрачења.
Овие пронајдени ѕвезди се со толку мала маса, што во ниту еден случај не се во состојба да емитуваат „H-alpha“ зраци. Како последица на ова научниците сега наведуваат дека досегашното тврдење дека секоја ѕвезда со поголема маса е опкружена со 230 полесни ѕвезди не може да се применат и за краевите на галаксиите.
„Новите податоци отворија една нова мистерија во астрономските кругови“, смета професор др. Павел Кроупа.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|