Новиот телефон на американската компанија Motorola, MC75 не го карактеризираат компактни димензии, тенок елегантен изглед, мала тежина, ниту пак спектар пастелни металик бои во кои може да купи.

Тој ја исполнува својата основна задача – да биде речиси неуништлив. За повеќето корисници, овој телефон повеќе наликува на радио станица.

Motorola MC75 спаѓа во уредите од типот EDA (Enterprise Digital Assistant), кои се наменети специјално за работа при тешки теренски услови. Тој нуди  брз пристап на говор и податоци со поддршка на 3G мрежата, базирани на HSDPA и CDMA-EVDO (Rev A) стандардите за безжична комуникација.

Отпорниот EDA уред нуди безжично приклучување на интернет со помош на стандардниот WiFi 802.11 b/g и самоподесувачка дигитална камера од два мегапиксела.

Срцето на уредот е процесорот на фирмата „Intel“, модел XScale PXA270 со фрекфенција од 624 MHz. Љубителите на компјутери ќе се израдуваат на податокот дека уредот работи на оперативен систем Microsoft Windows Mobile 6.0.

Според очекувањата, MC75 ќе се појави на пазарот во третото тромесечие  годинава.

(Д.Т)