Компанијата Sony Ericsson го претстави својот нов entry-level модел на мобилен телефон F305 кој првенствено им е наменет за гејмерите. Телефонот доаѓа со копчиња кои се прилагодени за играње, а во него се вградени и сензори кои се осетливи на движењата за управување со играта. На пример со движење на телефонот ќе може да управувате со топките при куглање.

Од Sony Ericssona соопшти дека компанијата и претходно користела технологија осетлива на движења, но овој пат таа е интегрирана и како една од опциите за начинот на играње на игрите.

F305 телефонот на лизгање има поддршка за 3D која се користи при играњето на игри кои се направени во landscape модот. Со самиот телефон доаѓаат и три прединсталирани игри, а од сајтот на Gameloft може да се симнат уште 50 други.

Освен опцијата за гејмери, телефонот има и media player, поддршка за Bluetooth и EDGE како и браузер за интернет страници.

Засега не е позната цената на новиот модел, кој на пазарот ќе се појави во третиот квартал од годинава.