Истражувачи од САД развија нов апарат што користи мал магнет, кој им помага на инвалидите да управуваат со количката корстејќи го само врвот на јазикот.

Магнетот со големина на зрно ориз, е имплантиран под јазикот и им овозможува на луѓето сами да ја бираат насоката на движење.

"Го избравме јазикот како координатор на овој систем бидејќи, за разлика од рацете и нозете, кои се контролирани од мозокот преку 'рбетниот мозок,  јазикот е директно поврзан со мозокот преку карнијален нерв, -  "велат од тимот на Универзитетот за технологија во Џорџија.

"Овој нерв ги избегнува оштетувањата и повредите кои би можеле да настанат кај 'рбетниот мозок, а и движењата на јазикот се брзи, прецизни и не бараат многу размислување, концентрација или напор,"- вели Мајсам Џованло, кој е дел од тимот.

Апаратот функционира така што корисникот има слушалки со магнетно поле кои го следат магнетниот имплант на јазикот и ги пренесуваат сигналите до преснослив компјутер, кој може да биде сместен на количката.

"Овој пронајдок може да направи вистинска револуција во полето на технологии за помош на оние индивидуи кои се физички неспособни, за да им се овозможи да водат активен, независен и продуктивен живот, "- вели Џованло.

Истражувачите велат дека компјутерот може да биде програмиран да ги препознава уникатните специфични движења на јазикот за секој корисник посебно. Постои можност за усовршување на овој систем така што би можело да се направи опција каде со допирање на секој заб би се извршувала различна наредба.

(Т.Ј)