|
 |
Футурама / Технологија
Технологија за „фаќање на молњи“
.jpg) Кинеските научници разработија технологија за користење на енергијата на молњите во научни и стопански цели, која се состои од фаќање на молњите во воздухот и нивно насочување кон колектор на земјата за натамошно истражување и употреба, соопшти соработникот на Институтот за атмосферска физика Це Си Шу.
Според научникот, за „фаќање на молњите“ се користат ракети засилени со специјални проводници, што се лансираат во центарот на облакот. Ракетата УЛ-1 треба да стартува неколку минути пред ударот на молњата.
Тестирањето покажа дека точноста на лансирањето изнесува 70 отсто од успешноста на зафатот, наведува агенцијата РИА Новости, пренесувајќи ги кинеските извори.
Енергијата на молњата, како што се истакнува, и електромагнетното зрачење што го произведува ќе најдат примена во земјоделието и во производството на полупроводници.
Покрај ова, новата технологија ќе влијае на значително намалување на штетите кои ги нанесуваат бурите. Според статистиката, во Кина од удар на громови секоја година загинуваат околу илјада лица, а штетите кои невремето ги нанесува на економијата достигнуваат 143 милиони долари.
Кинеските научници настојуваат да пронајдат метода за користење на енергијата на молњите со голем електричен потенцијал.
Податоците покажуваат дека во светот секоја секунда има по околу 100 удари од гром што претставува огромен извор на електрична енергија.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|