|
 |
Футурама / Технологија
|
|
Пентагон прави роботи како од “Терминатор“
 Американските научници работат на револуционерни воени проекти, кои од темел ќе ја променат природата на војската и нејзините задачи, а еден од најголемите проекти се хемиските роботи способни да се провлечат во отвори помали од нив и потоа да се зголемат десет пати. Управата за персепективно планирање на научноистражувачка работа на Пентагон потпишала неодамна договор со компанијата “иРобот“ за усовршување на роботите трансформери.
Хемботите ќе имаат еластична структура и висока мобилност, а може и ќе делуваат и во тешко проодна околина. Основна задача ќе им биде извидување во градски услови. Проектот се реализира во тесна соработка со Универзитетот Харвард и Технолошкиот институт во Масачусетс.
Според шефот на компанијата на “иРобот“ Хелен Грејнер, програмот за изработка на роботи кои се во состојба да се враќаат во првобитната големина, форма и функционалност ќе биде оставрување на научната фантастика.
Сите овие проекти поврзани со истражување на програмирани материи, одамна се инспирација за филмовите како Терминатор, а флуидниот робот против кого мораше да се бори Арнолд Швајценегер, сегашниот гувернер на Калифорнија, не се измислици туку екранизација на реалната концептуална замисла на Пентагон.
Активно се усовршува и технологијата на невидливост, која овозможува објектите да останат незабележани. Истражувачите од Политехничкиот институт “Ренселер“ во градот Трој во државата Њујорк, направиле материјал кој е во состојба да впие 99,955 отсто светлост што е условно речено најцрна материја која е некогаш направена. Научниците користеле долги, вертикално распоредени купишта јаглен чија површина прима многу низок коефициент рефлексија. Индекост на рефлексија кај нив изнесува светлина од 0,045 отсто. Порано се сметало дека најмал индекс е 0,17 осто.
Во Националниот институт за стандарди и технологија се чува црна материја со индекс на рефлексија од 1,4 отсто. Таквите материи во иднина ќе добијат широка примена во воената и цивилната сфера, овозможувајќи да се намали воочливоста, стана техниката и луѓето кои изведуваат задачи ноќе или по слаба светлина. Овој проект го финансира американското Министерство за енергетика.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|