|
 |
Футурама / Технологија
Ракетен ранец за секојдневна употреба
Глен Мартин, од Нов Зеланд, создаде реактивен ранец, што претставува прва направа од овој тип, која може да се користи за секојдневна употреба, особено за оние кои сакаат да ја избегнат гужвата во сообраќајот кога одат на работа.
Функционирањето на овој изум, го претстави 16-годишниот син на Мартин, Харисон кој носеше шлем и посебна облека. Харисон успеа да лебди 45 секунди на висина од еден метар, при што двајца луѓе му помагаа да не ја загуби рамнотежата.
Теоретски, овој ракетен ранец има капацитет да прелета 50 километри за 30 минути, со полн резервоар на гориво кој собира околу 19 литри.
Мартин кој работел на овој изум скоро три декади, планира наскоро да го пушти во продажба по цена од 100.000 долари.
Оваа направа е дизајнирана да се совпадне со дефиницијата на Федералната авијациска администрација, за лесно воздушно возило кое тежи помалку од 115 килограми и може да биде управувано од само едно лице кое нема потреба од пилотска дозвола.
Претходните ракетни ранци можеа да издржат само неколку минути лебдење и веднаш остануваа без гориво, но Мартин се надева дека неговата направа ќе се доусоврши и наскоро ќе стане вообичаено средство за превоз.
(Т.Ј)
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|