Британскиот синџир на книжари Блаквел, кој во земјата има околу 60 продавници, е уверен дека станува збор за револуционерен пронајдок кој од корен ќе го измени издавачкиот пазар.

Машината "Espresso Book Machine", производ на американската компанија „OnDemandBooks“ може за седум минути да отпечати книга со квалитет кој одговара на конвенционалното издание.

На почеток, овој суперавтоматизиран „книгомат“ ќе биде поставен во неколку продавници со цел да се опипа пулсот на купувачите.

„Книгите се трајно добро, а ова е голем пронајдок кој на читателите ќе им овозможи поголем избор“, изјави претставникот на Блаквел.

Компанијата вели дека ќе поседува милион наслови во електронска верзија, кои во рекордно време ќе можат да се отпечатат и ќе можат да се продаваат по истата цена како и едициите кои се издадени со користење на традиционалните методи.

(Д.Т)