IDIVIDI

E Hënë, 12.05.2008

IDIVIDI Meny

IDIVIDI Fjalorë

Download

Shqip / Ballkan

Kryesia sllovene e BE-së e përshëndeti "fitoren e qartë" të forcave proeuropiane në zgjedhjet në Serbi

Bruksel, 12 maj (MIA) - Kryesia sllovene e Bashkimit Europian e përshëndeti "fitoren e qartë" të forcave proeuropiane në zgjedhjet parlamentare në Serbi, ku koalicioni "Për Serbi europiane", e kryesuar nga Partia Demokratike e presidentit serb Boris Tadiq, fitoi më shumë vota.

Në kumtesën e kryesisë shfaqet shpresë se së shpejti do të formohet qeveri e re me program të qartë europian.

BE-ja e përshëndeti mbajtjen e qetë të zjedhjeve, të cilët sipas vlerësimeve të para kanë kaluar në mënyrë të lirë dhe demokratike.

Kryesia sllovene theksoi se fitorja e forcave proeuropiane në Serbi do t'i ndihmojë vendit që të vazhdojë të hapërojë në rrugën drejt BE-së dh të marrë status kandidati.

"Fitorja e forcave proeuropiane në Serbi është befasishëm e madhe dhe kjo fitore është lajm i mirë për Europën Juglindore, për Ballkanin dhe për Slloveninë", deklaroi ministri slloven i Punëve të Jashtme, Dimitrij Rupel.

Sipas Rupelit, fitorja e koalicionit të Tadiqit është e rëndësishme për stabilitetitn në rajon dhe për zhvillimin e mëtejshëm ekonomik të vendit.

Koalicioni "Për Serbi europiane" fitoi 36,69 për qind të votave ose 102 mandate në Parlamentin serb 250-anëtarësh, sipas të dhënave më të reja të Komisionit Zgjedhor Republikan, të publikuara në bazë të përpunimit të të dhënave në 33,91 për qin e vendvotimeve.

Partia Radikale Serbe fitoi 28,57 për qind të votave ose 80 mandate, ndërsa koalicioni i kryesuar nga Partia Demokratike e Serbisë e Voisllav Koshtunicës është e treta me 13,54 për qind të votave ose 37 vende deputetësh.

Koalicioni, i kryesuar nga Partia Socialiste e Serbisë fitoi 9,14 për qind ose 25 mandate.

Forcat e tjera politike, duke e përfshirë edhe Partinë Liberalo-demokratike e Çedomir Jovanoviqit nuk e tejkaluan pragun prej pesë për qind për hyrje në Parlament, njoftoi KZR-ja. Sipas KZR-së, Partia Liberalo-demokratike fitoi 4,64 për qind të votave, por Jovanoviqi mendon se partia e tij ka fituar 5,2 për qind të votave dhe se do të ketë 13 ose 14 mandate në përbërjen e re parlamentare.

Sipas KZR-së, aktiviteti zgjedhor ka shënuar 62,48 për qind.

Në pajtim me ligjin, rezultatet përfundimtare nga zgjedhjet do të publikohen jo më së voni se 96 orë nga përfundimi i votimit, gjegjësisht më 15 maj në orën 20.

Sipas të dhënave të Qendrës për zgjedhje të lira dhe demokraci (CeSid) e zgjedhjeve lokale në Beograd dhe në Vojvodinë udhëheqë koalicioni proeuropian, ndërsa në Kosovë, ku ishin të organizuara zgjedhje edhe krahas asaj që UNMIK-u njoftoi se ato janë të paligjshme, fituan radikalët.