 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Ballkan
Zgjedhjet në Serbi kaluan në pajtim me standardet demokratike, vlerësuan Këshilli i Evropës dhe OSBE-ja
Beograd, 12 maj (MIA) - Zgjedhjet në Serbi u organizuan mirë dhe janë mbajtur në pajtim me standardet e Këshillit të Evropës dhe OSBE-së për zgjedhje demokratike, sepse zgjedhësve iu dha rasti që lirisht të përcaktohen, vlerësuan sot në Beograd shefat e misioneve vëzhguese të KE-së dhe OSBE-së.
Shefi i delegacionit të Asamblesë Parlamentare të Këshillit të Evropës Zhan Sharl Gardeto deklaroi në konferncë për shtyp se është i impresionuar nga dalja në votime dhe se kjo dëshmon për besimin e votuesve në procesin zgjedhor.
"Populli serb lirisht e ka shprehur vullnetin e tij. Tani nevojitet parlament i ri që t'i plotësojë pritjet e zgjedhësve, që e përfshin nevojën të formohet koalicion funksional dhe efikas, i cili do të jetë në gjendje të punojë në dobi të qytetarëve të Serbisë", tha Gardeto.
Përfaqësuesit e misionit vëzhgues ndërkombëtar, të cilin e përbëjnë Asambleja Parlamentare e Këshillit të Evropës, OSBE-ja dhe Zyrja për institucione demokratike dhe të drejta të njeriut, njoftuan se në zgjedhjet megjithatë ka patur parregullsi të vogla, por edhe kanë vërejtur se hije në zgjedhjet kanë hedhur edhe kërcënimet ndaj funksionarëve më të lartë gjatë fushatës parazgjedhore.
|
|
|
|
|
|
|
Пребарување
|
|
|
|
|
|
|
WEBmail |
|
|
|
|
|
|