 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Ballkan
|
|
Dy ministra të Kosovës takohen në Tiranë me kryeministrin e Shqipërisë
Tiranë, 3 korrik (MIA) - Ministrja e Drejtësisë së Kosovës, Nekibe Kelmendi dhe ministri i Shërbimeve Publike të Republikës së Kosovës, Arsim Bajraktari ndodhen sot në Tiranë ku zhvilluan një takim me kryeministrin shqiptar, Sali Berisha, njofton korrespodenti i MIA-s nga Tirana.
Ministrat e qeverisë së Kosovës kanë dashur, siç thanë, të shprehin “mirënjohjen e thellë për mbështetjen e vazhdueshme të tij, qeverisë së tij dhe të klasës politike shqiptare në proceset zhvilluese dhe të modernizimit në Kosovë”.
Ndërkohë ata shprehën angazhimin e tyre për një bashkëpunim dhe bashkërendim të punës së tyre me homologët shqiptarë. Sipas tyre, ky bashkëpunim do të jetë i vazhdueshëm, sidomos shkëmbimi i eksperiencës dhe ndarja e vlerave të përbashkëta në të gjitha fushat.
Kryeministri Berisha, vlerësoi përparimet e Kosovës dhe shtetit të ri të saj në shumë fusha zhvillimi, veçanërisht në legjislacion. Ai siguroi se të dyja qeveritë do të kenë një bashkëpunim dhe një bashkërendim të frytshëm në reformimin dhe në standardizimin dhe modernizimin e institucioneve.Gjithashtu z.Berisha tha se një bashkëpunim shumë i mirë ekziston në fushën e drejtësisë, bashkëpunim i cili do të jetë aktiv me shkëmbime të eksperiencave dhe në përafrimin
e standardeve.
Kryeministri ka folur dhe për ligjet në Kosovë që tha se janë të standardeve shumë të mira, ndërsa u ndal në punën që po bëhet në Shqipëri për zëvendësimin apo përmirësimin e mjaft ligjeve. Berisha ka thënë se reforma e sistemit të drejtësisë po zhvillohet dhe se ajo do të ketë ecuri në një bashkëpunim të ngushtë me opozitën.
|
|
|
|
|
|
|
Пребарување
|
|
|
|
|
|
|