 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Ballkan
Kryeministri shqiptar Sali Berisha i hodhi poshtë akuzat e Rusisë për shitje të armëve Gjeorgjisë
 Tiranë, 27 gusht (MIA) - Kryeministri shqiptar Sali Berisha i hodhi poshtë akuzat e shefit të Shtatmadhorisë së armatës ruse, gjeneralit rus Anatolij Nogovitskin, se Tirana i ka shitur armë Tbilisit, duke shtuar se Gjeorgjia ka ushtri dhe armë të veta dhe se kjo është shpifje nga pala ruse.
"Gjeorgjia është vend miqësor demokratik, e cila ka mbështetje të plotë që e meriton një vend demokratik dhe miqësor në situatë të vështirë. Të mendosh se Gjeorgjia ka nevojë për armë shqiptare është invencion. Gjeorgjia është vend që ka armë të vetat, ushtri të vetën, e cila përjetoi një agresion", deklaroi Berisha.
Siç njoftoi korrespondentja e MIA-s nga Tirana, ai ka shtuar se akuzat e këtilla aspak nuk e befasojnë.
"Ndaj shqiptarëve, Rusia ka një qëndrim konstant (duke përfshirë edhe mosnjohjen e Kosovës). Por, qëllimi i Rusisë për vendet më të vogla, sipas mendimit tim, është për gjykim të rreptë. Një ditë sulmon një vend, ndërsa ditën tjetër deklaron se është kundër anëtarësimit në NATO të Shqipërisë dhe të Kroacisë", deklaroi Berisha në konferencën e përbashkët për shtyp në Tiranë me kolegun e tij nga Islanda, Geir Harde.
|
|
|
|
|
|
|
Пребарување
|
|
|
|
|
|
|