 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Ballkan
|
|
Mali i Zi e njohu Kosovën (DPL)
 Podgoricë, 9 tetor (MIA) - Qeveria e Malit të Zi njëzëri mori vendim për njohjen e Kosovës, deklaroi ministri malazez i Punëve të Jashtme, Milan Roçen.
Vendimi për njohjen e Kosovës, siç informoi Roçen, bazohet në përpjekjet për mbrojtjen e interesave kombëtare të Malit të Zi dhe të qytetarëve të Malit të Zi, si dhe në tentimet për përshpejtimin e proceseve evroatlantike dhe intregrimin e vendit në BE.
Roçer theksoi se prioritete primare të Malit të Zi gjatë aprovimit të këtij vendimi është zhvillimi i marrëdhënieve mirëfqinjësore, përparimi i bashkëpunimit rajonal dhe kontributi për stabilizimin e rajonit.
Ministri malazez i Punëve të Jashtme tha se një vendim i tillë i Podgroricës është harmonizuar me vendimin e Qeverisë së Republikës së Maqedonisë për këtë çështje.
Qeveria e Millo Gjukavnoviqit e njohu Kosovën vetëm një ditë pasi Asamblea e Përgjithshme e Kombeve të Bashkuara dje e miratoi propozimin e Serbisë, që Gjykata ndërkombëtare e drejtësisë të jap vlerësim për ligjshmërinë e pavarësisë së Kosovës.
Nga ky vendim, siç informuan mediat serbe, Gjukanoviqin nuk kanë arritur t'i ndërrojnë mendjen as përfaqësuesit e opozitës gjatë kohës së pauzës së Qeverisë.
Opozita paralamentare paraprakisht kërkoi pauzë të senacës dhe takim me kreun shtetëror të Malit të Zi, pasi deputeti i Listës serbe Goran Daniloviq e njoftoi parlamentin se me procedurë të shpejtë në rend të ditës është vendosur çështja për njohjen e Kosovës.
"Është me rëndësi që me kreun shtetëror të bisedojmë para vendimit eventual të Qeverisë për njohjen e Kosovës, për shkak se nëse aprovohet një vendim i tillë, pastaj çfarëdo takimi nuk do të kishte kuptim", tha në foltoren e Kuvendit, kryetari i Partisë Popullore Serbe, Andrija Madniq.
|
|
|
|
|
|
|
Пребарување
|
|
|
|
|
|
|