Prishtinë, 14 shtator (MIA) - Rrjeti i organizatave joqeveritare të Kosovës, sot në mesditë do të demonstrojnë kundër nënshkrimit të protokollit EULEX-Serbi, informojnë mediat kosovare.
Sipas nënkryetarit të Lëvizjes “Vetvendosje”, Visar Imeri, demonstruesit do të nisen nga Biblioteka Kombëtare e Universitare dhe do të përfundojnë përpara selisë së EULEX-it në qendër të Prishtinës.
Ndërkohë Policia e Kosovës u ka shpërndarë qytetarëve fletushka përmes të cilave i fton ata që të protestojnë në mënyrë të qetë dhe dinjitoze, ndërsa në rast se do të ketë, siç thuhet akte kriminale, atëherë policia do të arrestojë kryerësit e këtyre akteve.