Deri tani 11 viktima nga gripi i ri në TurqiAnkara, 3 nëntor (MIA) - Në Turqi sot vdiqën edhe dy persona nga virusi i gripit A (H1N1), me çka numri i viktimave nga kjo sëmundje arriti në 11 persona, kumtoi MInistria turke e Shëndetësisë.
Një burrë 55-vjeçar dhe një grua 33-vjeçare janë dy rastet e fundit të vdekjes nga gripi.
Nga virusi i ri dje vdiqën katër fëmijë dhe një grua.
Autoritetet turke prej dje filluan me vaksinimin kundër gripit A, që do të përfshijë së pari punonjësit shëndetësorë dhe personat të cilët përgatiten të nisen për në Mekë në haxhxh.
Turqia planifikon të furnizohet me 43 milionë vaksina kundër virusit H1N1, ndërsa pa pagesë do të vaksinohen rreth 28 milionë qytetarë.
|