Viktima e dytë e gripit të ri në SerbiBeograd, 3 nëntor (MIA) - Një grua në afërsi të Krushevcit vdiq si pasojë e sëmurjes nga gripi i ri i llojit A (H1N1), me çka u bë viktima e dytë e gripit të ri në Serbi, deklaroi kryetari i Grupit punues për ndjekjen e gripit pranë Ministrisë serbe të Shëndetësisë, Predrag Kon.
Ai theksoi se gruaja 32-vjeçare vdiq pasi që tek ajo ishte izoluar virusi A H1N1 në Institutin "Torllak".
Viktima e parë e gripit të ri në Serbi është një grua tjetër në Gornji Millanovac, afër Kraljevës. Ajo ishte hospitalizuar në Kraljevë, për shkak të gjendjes së rëndë klinike ishte dërguar në Qendrën urgjente në Kragujevc, ku vdiq më 21 tetor.
|