Në Deçan është sulmuar me gurë eskorta e kryeministrit Thaçi Prishtinë, 12 nëntor (MIA) - Eskorta e liderit të PDK-së dhe kryeministrit Hashim Thaçi mbrëmë është sulmuar me gurë pas përmbylljes së tubimit parazgjedhor në Deçan.
Siç njoftojnë mediat kosovare incidenti ka ndodhur menjëherë pas daljes nga salla e Shtëpisë së Kulturës në Deçan, komunë kjo e cila aktualisht udhëhiqet nga AAK-ja.
Rojet e kryeministrit janë treguar të gatshëm për ta mbrojtur liderin e PDK-së , ndërkohë që burime nga vendi i ngjarjes bëjnë të ditur se ka pasur edhe të shtëna armësh, informacion i cili akoma nuk është konfirmuar zyrtarisht.
|