Kosova ndau një milion euro për të përmbyturit në Shqipëri

Tiranë, 9 dhjetor 2010 (MIA) - Qeveria kosovare ndau një milion euro për ndihmë rajoneve të përmbytura në Shqipëri dhe u bëri thirrje qytetarë ve të Kosovës "që të solidarizohen me vëllezërit shqiptarë dhe t'u ndihmojnë", njohtojnë agjencitë.

Nga Kosova, për në rajonet e përmbytura në Shqipëri janë dërguar edhe 15 kamionë dhe pesë ambulanca, si dhe kontingjent plotësues nga forcat e sigurimit, ndërsa nga 2 dhjetori atje po qëndrojnë 59 përfaqësues të njësive të shpëtimit dhe ekipe mjekësore.

Sipas ambasadorit spanjol në Tiranë, ndihmë me vlerë prej 150 mijë eurosh do të dërgojë edhe vendi i tij.

Turqia, e cila e para iu përgjegj apelit të Qeverisë shqiptare për ndihmë, në Shqipëri dërgoi tre helikopterë, 150 tenda dhe mijëra batanie, ndërsa paralajmëroi edhe ndihmë plotësuese.

Greqia mënjëherë dërgoi një helikopter, përderisa Austria 22 tenda familjare dhe ndihmë tjetër.