Feith: Dialog i dy shteteve të pavarura e sovrane Prishtinë, 9 mars 2011 (MIA) - Shefi i Zyrës Civile Ndërkombëtare (ICO) në Kosovë, Piter Feith ka thënë se në dialogun midis Serbisë dhe Kosovës palët do të flasin si dy shtete të pavarura dhe sovrane.
Ai ka përjashtuar tërësisht mundësinë e diskutimit për çështjen e statusit dhe të integritetit territorial të Kosovës, apo edhe të ndarjes së saj, transmetojnë mediat kosovare.
Në një ligjëratë të mbajtur të mërkurën para studentëve të Universitetit Amerikan të Kosovës, Feith ka thënë se nga dialogu do të kenë përfitime si Serbia ashtu edhe Kosova.
Feith ka shfaqur shpresën se në dialog do të flitet edhe për veriun e Mitrovicës, por, duke pasur për bazë Planin e Ahtisarit.
|